Post du sukcesaj realigoj, la revuo Kontakto, TEJO kun apogo de UEA relanĉas la 3ª Muzikan Konkurson de Kontakto! Kun la celo plenigi la truon, kiun lasis la forlaso de la branĉo “Muziko” el la Belartaj Konkursoj de UEA kaj premii la talentojn de niaj artistoj. Denove la konkurso estas dividita en tri kategorioj: Kanto de la Jaro, Premio de la publiko kaj Nova Talento.
En 2014 partoprenis 16 konkursaĵoj, kaj en 2015 la 2ª Konkurso allogis 14 artistojn. Eblas aliĝi ĝis la 1-a de junio. Pliajn detalojn kiel partopreni en la 3ª Muzika Konkurso de la revuo Kontakto vi trovos en la regularo! Disvastigu la informon!